Аԥсны Аҳәынҭқарра Адәныҟатәи аусқәа рминистр Олег Барцыц Оливер Бланко Маркос Боливариантәи Ареспублика Венесуела Адәныҟатәи аусқәеи адәныҟатәи ахәаахәҭреи рминистрс иҟалара идиныҳәалеит.

Адныҳәалараҿы иазгәаҭоуп:

"Агәра ганы сыҟоуп шәыпрофессионализм ҳаракы жәларбжьаратәи аренаҿы Боливариантәи Ареспублика Венесуела апозициақәа аринахысгьы рырӷәӷәаразы хра злоу аусура шьаҭаны ишаиуа.

Ахә ҳаракны исшьоит ҳҳәынҭқаррақәа рыбжьара ишьақәгылаз аиҩызаратә еизыҟазаашьақәа. Агәра ганы сыҟоуп ҳамчқәа еилаҵаны аринахысгьы зформат наӡоу ҩ-ганктәи аусеицуреи ганрацәалатәи аинырреи шҳарҿиало, аҵакы ҿыц ала ишхаҳарҭәаало. Уи, хымԥада, ҳаиҩызаратә жәларқәа реизҳазыӷьара иазкхоит».