Аԥсны Аҳәынҭқарра Адәныҟатәи аусқәа рминистр Олег Барцыц Аԥсны иҟоу Урыстәылатәи Афедерациа аҷыдалкаатә зинмчы змоу ацҳаражәҳәаҩ Виачеслав Гладков адныҳәаларатә нота изишьҭит Урыстәылатәи Афедерациа аҳәынҭқарратә ныҳәа — жәлар ракзаара Амш инамаданы.
Анотаҿы иазгәаҭоуп:
"Ари амш урыстәылатәи ажәлар реидгылара, азеиԥш уалԥшьа разиашара, атәыла аҭоурыхтә ҭынха пату ақәҵара ирсимволуп. Агәра ганы сыҟоуп аидгылареи аграждантә еиқәшаҳаҭреи аҳәынҭқарра асуверенитети ԥхьаҟатәи аҿиареи шьаҭас ишрымоу.
Аҭагылазаашьа схы иархәаны иазгәасҭарц сҭахуп Аԥсны Аҳәынҭқарреи Урыстәылатәи Афедерациеи рыбжьара аинырра аконструктивтә ҟазшьа шамоу, адипломатиатә хаҭарнакрақәагьы уахь иналаҵаны. Сақәгәыӷуеит аидгыларатә еизыҟазаашьақәеи ҳажәларқәа реизҳазыӷьаразы акоординациа ӷәӷәеи ԥхьаҟатәи рырӷәӷәахара шалыршахо".
Олег Барцыц Виачеслав Гладкови Аԥсны иҟоу Урыстәылатәи Афедерациа Ацҳаражәҳәарҭа аколлектив зегьи ирзеиӷьеишьеит агәабзиара, аманшәалара, аҭакзыԥхықәу адипломатиатә усураҿы ақәҿиарақәа.