Абҵарамза 10-11, 2026 шықәса рзы Женева Кавказнҭыҵ ашәарҭадареи аҭышәынтәалареи рзы Жәларбжьаратәи аиҿцәажәарақәа 68-тәи рраунд мҩаԥысуеит.
Аԥсны Аҳәынҭқарра аделегациа аиҿцәажәараҟны напхгара аиҭоит Аԥсны Адәныҟатәи аусқәа рминистр ихаҭыԥуаҩ Одиссеи Бигәаа.
Аделегациа иара убас иалоуп Аԥсны Адәныҟатәи аусқәа рминистрра аусзуҩцәа Лаша Аҩӡба, Артур Гагәылиа, Алина Ҷанԥҳа, Урыстәылатәи Афедерациаҟны иҟоу Аԥсны Аҳәынҭқарра Ацҳаражәҳәарҭа абжьгаҩ-ацҳаражәҳәаҩ Кан Ҭаниа.
Абҵара 10 рзы имҩаԥысит Жәларбжьаратәи аиҿцәажәарақәа 68-тәи рраунд амшхәаԥштә азҵаарақәа рзы заанаҵтәи аконсультациақәа. Иахьа, абҵара 11 рзы имҩаԥысуеит аусуратә гәыԥқәа ҩба реилатәарақәа — арегион аҿы ашәарҭадареи аҭышәынтәалареи рызҵаарақәеи агуманитартә проблематикеи рзы.
Амшхәаԥштә иалагалоуп амч ахамырхәаразы зинла адҵа ҟазҵо ахәдықәҵарақәа аус рыдулара, Гал имҩаԥысуа ахҭысқәа раԥырҟәҟәаареи рықәҿыҭреи рзы Амеханизм (МПРИ) аусура аиҭарҿыцра, иара убас агуманитартә ҟазшьа змоу актуалтә зҵаарақәа.